Friday, August 12, 2022
HomeNewsআই এছ এলত নৰ্থ ইষ্ট ইউনাইটেডৰ ব্যৰ্থতা

আই এছ এলত নৰ্থ ইষ্ট ইউনাইটেডৰ ব্যৰ্থতা

অলিম্পয়া প্ৰতিবেদন

আই এছ এলত নৰ্থ ইষ্ট ইউনাইটেডৰ ব্যৰ্থতা।চেন্নায়েন এফ চিৰ হাতত পৰাজয় উত্তৰ-পূৰ্বৰ দল নৰ্থ ইষ্ট ইউনাইটেড ।তিনিখন মেচৰ ভিতৰত দ্বিতীয় পৰাজয়।
গোৱাত অব্যাহত আছে ভাৰতীয় ফুটবলৰ সৰ্ববৃহৎ ফুটবল লীগ আই এছ এল । সোমবাৰে ফাটোৰ্ডাৰ জৱাহৰলাল নেহৰু ষ্টেডিয়ামত মুখামুখি হয় চেন্নায়েন এফ চি আৰু নৰ্থ ইষ্ট ইউনাইটেড । মেচখনত ২-১ গলৰ ব্যৱধানত বিজয় সাব্যস্ত কৰিলে চেন্নায়েন এফ চিয়ে ।অপ্ৰাণ চেষ্টা কৰিও ১ গলতেই সীমাবদ্ধ থাকিল জন আব্ৰাহম মালিকাধীন নৰ্থ ইষ্ট ইউনাইটেড ।


চেন্নায়েনৰ হৈ ৪১ মিনিটত লালিয়ানজুৱালা চাংটে ১ টা আৰু ৭৭ মিনিটত অনিৰুদ্ধ থাপাই আনটো গল দিয়ে। ৫০ মিনিটত চেন্নায়েনৰ গলৰক্ষক বিশাল কাইথে আত্মঘাতী গল দিয়াৰ বাবে নৰ্থ ইষ্ট দলে এটা গল পৰিশোধ কৰিবলৈ সক্ষম হয় ।


৪৬ মিনিটলৈ খেলপথাৰত থাকিল অসমৰ প্ৰজ্ঞান সুন্দৰ গগৈ । খেলৰ দ্বিতীয়াৰ্ধত মৈদানত প্ৰজ্ঞানৰ পৰিৰ্বতে নামে নৰ্থ ইষ্ট ইউনাইটেডৰ লালথাউপুইমাউয়া।
উল্লেখযোগ্য যে, এতিয়ালৈকে অৱতীৰ্ণ হোৱা মেচৰ ভিতৰত নৰ্থ ইষ্ট ইউনাইটেডে দুখনত পৰাজয় আৰু এখনত ড্ৰ’ৰ সন্মুখীন হৈছে । প্ৰথম মেচতে পৰাজয়ৰ মুখ দেখিছিল এফ চি বেংগালুৰুৰ বিৰুদ্ধে আৰু কেৰালা ব্লাষ্টাৰ্ছৰ সৈতে মেচখন হৈছিল ড্ৰ ।


পুনৰ ৪ ডিচেম্বৰত এফ চি গোৱাৰ বিৰুদ্ধে চৰ্তুথখন মেচত অৱৰ্তীণ হ’ব নৰ্থ ইষ্ট ইউনাইটেড ।এতিয়ালৈকে ৬ পইন্টৰে তালিকাৰ শীৰ্ষত আছে এ টি কে মোহন বাগান আৰু চেন্নায়েন এফ চি ।অন্যহাতে, দুখনত পৰাজিত আৰু এখনত ড্ৰ’ খেলি তালিকাৰ নৱম স্থানলৈ অৱনমিত হ’ল নৰ্থ ইষ্ট ইউনাইটেড ।


উত্তৰ পূৰ্বাঞ্চলৰ ক্ৰীড়াপ্ৰেমী ৰাইজে আশা কৰিছে আগন্তুক মেচত নৰ্থ ইষ্ট ইউনাইটেডে দাঙি ধৰক উন্নত প্ৰৰ্দশন । আই এছ এলত হেৰুৱা ছন্দ ঘূৰাই পাওক উত্তৰ-পূৰ্বৰ ঘৰুৱা দলটোৱে।

- Advertisment -
RELATED ARTICLES

LEAVE A REPLY

Please enter your comment!
Please enter your name here

3 × three =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments