অলিম্পিয়াৰ কাৰ্যবাহী সম্পাদক উপেন চক্ৰৱৰ্ত্তীয়ে কাকষ্টেটত চলাব দুঃসাহসিক অভিযান। অসম পৰ্বতাৰোহন সন্থাই পোন প্ৰথমবাৰৰ বাবে আয়োজন কৰিছে শীতকীলীন পৰ্বতাৰোহন কাৰ্যসূচী। লাডাখ অঞ্চলৰ ৬৪৪২ মিটাৰ উচ্চতাৰ কাকষ্টেটট চলিব এই দুঃসাহসিক অভিযান। চলিত ফেব্ৰুৱাৰী মাহতে অসম তথা উত্তৰপূৰ্বাঞ্চলৰ প্ৰথমটো দলে প্ৰথমবাৰৰ বাবে এই শীতকালীন অভিযান আৰম্ভ কৰিব। অভিযানৰ কালচোৱাত কাকষ্টেটৰ তাপমান মাইনাছ ২০ ডিগ্ৰীৰ পৰা মাইনাছ ৪০ ডিগ্ৰীৰ ভিতৰত থাকিব বুলি অনুমান কৰা হৈছে। অসম পৰ্বতাৰোহন সন্থাৰ আগন্তুক এভাৰেষ্ট অভিযানৰ অংশ হিচাপে এই অভিযান আৰম্ভ কৰা হৈছে। এই দুঃসাহসিক অভিযানৰ বাবে মানস বৰুৱাৰ নেতৃত্বতযাবলগীয়া অসম দলটোৰ সদস্য সকল হ’ল অলিম্পিয়াৰ কাৰ্যবাহী সম্পাদক উপেন চক্ৰৱৰ্ত্তী, পুলক মহন্ত, ভাস্কৰ বৰুৱা, কৌশিক দাস, শেখৰ বৰদলৈ, ধ্ৰৱজ্যোতি হাজৰিকা, কৃষ্ণা বসুমতাৰী আৰু ৰতন বসুমতাৰী। ইতিমধ্যে ভাৰতীয় পৰ্বতাৰোহন সন্থাই অসম পৰ্বতাৰোহন সন্থাৰ এই অভিযানক অনুমোদন জনোৱাৰ লগতে অসম চৰকাৰৰ মুখ্য সচিব কুমাৰ সঞ্জয় কৃষ্ণই এই অভিযানৰ ফ্লেগ অফ কৰিছে।
অলিম্পিয়াৰ কাৰ্যবাহী সম্পাদক উপেন চক্ৰৱৰ্ত্তীসহ অসমৰ পৰ্বাতাৰোহীয়ে মাইনাছ ৪০ ডিগ্ৰী তাপমানৰ কাকষ্টেটত চলাব অভিযান
- Advertisment -
- Advertisment -
Magazine
তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...