Monday, July 4, 2022
HomeNewsঅৱসৰ বিনোদনৰ বাবে মালদ্বীপ পালেগৈ মুম্বাই ইণ্ডিয়ানছৰ অধিনায়ক ৰোহিত

অৱসৰ বিনোদনৰ বাবে মালদ্বীপ পালেগৈ মুম্বাই ইণ্ডিয়ানছৰ অধিনায়ক ৰোহিত

অৱসৰ বিনোদনৰ বাবে মালদ্বীপ পালেগৈ মুম্বাই ইণ্ডিয়ানছৰ অধিনায়ক ৰোহিত

অলিম্পিয়া প্ৰতিবেদন: আই পি এলৰ অন্তত অৱসাদ আঁতৰোৱাৰ মন হিটমেনৰ । পৰিয়ালৰ সৈতে মালদ্বীপ পালেগৈ মুম্বাই ইণ্ডিয়ানছৰ অধিনায়ক ৰোহিত । ছচিয়েল মিডিয়াত শ্বেয়াৰ কৰিলে ফটো ।

চলিত আই পি এলত ইতিমধ্যে কোৱালিফায়াৰৰ পৰা বাহিৰ হৈছে ৰোহিত শৰ্মাৰ নেতৃত্বৰ মুম্বাই ইণ্ডিয়ানছ । দলটোৰ দুৰ্বল প্ৰদৰ্শনত আশাহত হ’ল লাখ লাখ অনুৰাগী । ১৪ খন মেচৰ ভিতৰত মাত্র ৪ খনতহে জয়ৰ মালা পিন্ধিলে যদিও কোৱালিফায়াৰলৈ বাছনি নহ’ল মুম্বাই । অন্তিমখন লীগ মেচতো দিল্লীৰ বিৰুদ্ধে ৰোহিতৰ অৱদান আছিল ১৩ টা বলত মাত্ৰ ২ ৰাণ ।

আৰু অধিক পঢ়ক

আই পি এল কেৰিয়াৰত প্ৰথমবাৰৰ বাবে ৰোহিত শৰ্মাই এটা ছিজনত অৰ্ধশতক কৰিবলৈও ব্যৰ্থ হ’ল । এনে হতাশাৰ মাজতে মুম্বাইয়ে চলিত আই পি এলৰ পৰা বিদায় ললে । প্ৰায় দুমাহজোৰা অৱসাদ আঁতৰাবলৈ ৰোহিতক যেন প্ৰয়োজন জিৰণিৰ । একঘেয়ামী ক্ৰীড়াৰ পৰা সামান্য আঁতৰি সপৰিয়ালে ৰোহিতে এতিয়া জিৰণি লৈছে মালদ্বীপত । লগত আছে পত্নী ৰীতিকা সজদেহ আৰু জীয়ৰী চমইৰা ।

অলিম্পিয়া মাহেকীয়া আলোচনী পঢ়িবলৈ ইয়াত ক্লিক কৰক

তেওঁলোকে বৰ্তমান মালদ্বীপৰ বিশেষ ৰিজৰ্টত অৱসৰ বিনোদনৰ দিন অতিবাহিত কৰিছে । নিৰিবিলি ঠাইত বহি অতিবাহিত কৰিছে সময় । শান্তিৰ পৰিবেশত কৰিছে ফটো শ্বুট । অধিনায়কজনে মালদ্বীপত তেওঁ পত্নীৰ সৈতে তোলা কেইবাখনো ফটো ইষ্টাগ্ৰাম পোষ্টত শ্বেয়াৰ কৰিছে । লগে লগে ভাইৰেল হিটমেনৰ এই বিশেষ ফটো ।অনুৰাগীসকলৰ মাজতো তুমুল চৰ্চা ।

উল্লেখযোগ্য যে, ভাৰতীয় অপেনাৰজনক ভ্ৰমণকাৰী দক্ষিণ আফ্ৰিকাৰ বিৰুদ্ধে বিশ্ৰাম দিয়া হৈছে । ৰোহিতে ইংলেণ্ড শৃংখলাৰ বাবে প্ৰস্তুতি চলাবলৈ ১৫ বা ১৬ জুনত মুখ্য প্ৰশিক্ষক ৰাহুল দাবিড়ৰ সৈতে মিলিত হ’ব ।

সেয়েহে, ৰোহিতে যেন ভাবিলে — এয়াই তেওঁৰ বাবে অৱসৰ বিনোদনৰ উপযুক্ত সময় । অনুৰাগীসকলেও কামনা কৰিছে — এই অৱসৰ বিনোদনৰ জৰিয়তে অৱসাদ দূৰ হওক হিটমেনৰ । ৰোহিতে প্ৰত্যাৱৰ্তন কৰক পূৰ্বৰ ছন্দলৈ ।

- Advertisment -
RELATED ARTICLES

LEAVE A REPLY

Please enter your comment!
Please enter your name here

one × 3 =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments