Thursday, July 7, 2022
HomeNewsকমনৱেলথ গেমছৰ বাবে যোগ্যতা অৰ্জন লাভলীনা বৰগোহাঁইৰ

কমনৱেলথ গেমছৰ বাবে যোগ্যতা অৰ্জন লাভলীনা বৰগোহাঁইৰ

অলিম্পিয়া প্ৰতিবেদন

সমাগত কমনৱেলথ গেমছৰ বক্সিং ইভেণ্টত প্ৰতিদ্বন্দিতা আগবঢ়াব অসম কন্যা লাভলীনা বৰগোহাঁয়ে ৷ শনিবাৰে নতুন দিল্লীত অনুষ্ঠিত নিৰ্বাচনী ট্ৰায়েলত লাভলীনাই কমনৱেলথ গেমছৰ বাবে ভাৰতীয় দলত স্থান নিশ্চিত কৰে ৷ টকিঅ’ অলিম্পিকত ব্ৰঞ্জৰ পদক জয়ী লাভলীনাৰ লগতে কমনৱেলথ গেমছৰ বাবে স্থান নিশ্চিত কৰিছে বিশ্ব চেম্পিয়ন নিখাত জাৰিনে ৷ বিগত সপ্তাহত দুবাৰৰ অলিম্পিয়ান অসম সন্তান শিৱ থাপাই কমনৱেলথ গেমছৰ বাবে যোগ্যতা অৰ্জন কৰাৰ পাছত অহা ২৮ জুলাইৰ পৰা ৮ আগষ্টলৈ বাৰ্মিংহামত অনুষ্ঠিত হ’ব লগা কমনৱেলথ গেমছৰ বক্সিং ইভেণ্টত অসমৰ দুগৰাকী বক্সাৰক দেখা যাব ৷ ট্ৰায়েলত লাভলীনাই ভাৰতীয় ৰেলৱেৰ বক্সাৰ পূজাক ৭-০ আৰু নিখাতে হাৰিয়ানাৰ মিনাক্ষীক সমসংখ্যাক ব্যৱধানত পৰাস্ত কৰি যোগ্যতা অৰ্জন কৰে ৷ কমনৱেলথ গেমছৰ বাবে যোগ্যতা অৰ্জন কৰা আন দুগৰাকী মহিলা বক্সাৰ হ’ল ৪৮ কেজিত নিতু আৰু ৬০ কেজিত জেছমিন ৷ দুবাৰৰ য়ুথ বিশ্ব চেম্পিয়ন নিতুয়ে ২০১৯ ৰ ৰূপৰ পদক বিজয়ী মঞ্জুৰাণীক ৫-২ পইণ্টত পৰাস্ত কৰে ৷ ইফালে ২০২১ ৰ এছিয়ান য়ুথ বক্সিং চেম্পিয়নশ্বিপৰ ব্ৰঞ্জৰ পদক বিজয়ী জেছমিনে ২০২২ ৰ বিশ্ব বক্সিং চেম্পিয়নশ্বিপত ব্ৰঞ্জৰ পদক বিজয়ী পাৰবিন হুদাক সম্পূৰ্ণৰূপে পৰাস্ত কৰি স্থান নিশ্চিত কৰে ৷ কমনৱেলথ গেমছত ভাৰতীয় মহিলা বক্সিং দলক প্ৰতিনিধিত্ব কৰিব লগা ভাৰতৰ বক্সাৰ কেইগৰাকী হ’ল– নিতু [৪৮ কেজি], নিখাত জাৰিন [৫০ কেজি], জেছমিন [৬০ কেজি] আৰু লাভলীনা বৰগোহাঁই [৭০ কেজি] ।

- Advertisment -
RELATED ARTICLES

LEAVE A REPLY

Please enter your comment!
Please enter your name here

7 + eight =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments