অলিম্পিয়া প্ৰতিবেদন
কলকাতাত জিলিকিল অসমৰ টাইকোৱানডো খেলুৱৈ । তেজপুৰৰ এমেচাৰ টাইকোৱানডো একাডেমীৰ সাফল্য । স্বৰ্ণসহ ৩১ টা পদক অৰ্জনৰে গৌৰৱ কঢ়িয়াই আনিলে অসমলৈ ।
যোৱা ১৯ জুনৰ পৰা ১৩ জুনলৈ কলিকাতাৰ দাসনগৰ আলামোহন দাস ইনড’ৰ ষ্টেডিয়ামত অনুষ্ঠিত হয় দ্বিতীয় অপেন ৰাষ্ট্ৰীয় টাইকোৱানডো চেম্পিয়নশ্বিপ ২০২২ তথা ইণ্ডিয়া প্ৰগেছিভ কাপ । নকআউট টাইকোৱানডো একাডেমী ইণ্ডিয়াই আয়োজন কৰিছিল এই প্ৰতিযোগিতা। অসমৰ বিভিন্ন জিলাৰ খেলুৱৈসকলে অংশগ্ৰহণ কৰাৰ লগতে অংশগ্ৰহণ কৰিলে তেজপুৰৰ এমেচাৰ টাইকোৱানডো একাডেমীৰ ২৬ জন খেলুৱৈয়ে । প্ৰায় ৩৫ খন ৰাজ্যৰ খেলুৱৈৰ সমাবেশ ঘটা এই প্ৰতিযোগিতাত তেজপুৰৰ দলটোৱে বিভিন্ন ইভেন্টত মুঠ ৩১ টা পদক অৰ্জন কৰিবলৈ সক্ষম হৈছে । ইয়াৰে ১৩ টা স্বৰ্ণ, ১৬ টা ৰূপ আৰু ২ টা ব্ৰঞ্জৰ পদক । ইফালে, তেজপুৰ এমেচাৰ টাইকোৱানডো একাডেমীৰ হৈ যোৱা ৯ বছৰীয়া উদীপ্ত বৈশ্যই দাঙি ধৰিলে উন্নত প্ৰদৰ্শন । ল’ৰাৰ ছাব জুনিয়ৰত উদীপ্তই অংশগ্ৰহণ কৰি আঁজুৰি আনিলে স্বৰ্ণ পদক । ৰাষ্ট্ৰীয় পৰ্যায়ত কণমাণি কিশোৰ গৰাকীৰ এয়া প্ৰথমটো পদক । উদীপ্ত বৈশ্য হৈছে শোণিতপুৰ শিশু বিকাশ একাডেমীৰ তৃতীয় শ্ৰেণীৰ ছাত্র । উল্লেখযোগ্য যে, তেজপুৰ এমেচাৰ টাইকোৱানডো একাডেমীৰ পৰা যোৱা দলটোৰ প্ৰশিক্ষক হিচাপে আছিল উৎপল মণ্ডল আৰু ওম মণ্ডল ।
ৰাষ্ট্ৰীয় পৰ্যায়ত পদক প্ৰাপ্তিয়ে তেজপুৰৰ লগতে অসমক এমেচাৰ টাইকোৱানডো একাডেমীৰ খেলুৱৈয়ে কৰিলে গৌৰৱাম্বিত ।ক্ৰীড়া অনুৰাগীৰ আশা– -উদীয়মান খেলুৱৈসকলৰ এই সফলতাই বিশ্ব ক্ৰীড়াঙ্গনৰ শিখৰ স্পৰ্শ কৰক ।
