Thursday, July 7, 2022
HomeNewsকেপ্টেইন ঋষভ পণ্টৰ বাবেই বাহিৰ হ’ল দিল্লী কেপিটেলছ

কেপ্টেইন ঋষভ পণ্টৰ বাবেই বাহিৰ হ’ল দিল্লী কেপিটেলছ

 

অলিম্পিয়া প্ৰতিবেদন

মুম্বাইৰ বিৰুদ্ধে পৰাস্ত হৈ আই পি এলৰ প্লে’ অফত প্ৰৱেশৰ পথ বন্ধ হোৱা দিল্লী কেপিটেলছৰ ভুল ক’ত হ’ল ? কাৰ বাবে অধিক সম্ভাৱনা থকাৰ পিছতো দিল্লীয়ে প্লে’ অফৰ দুৱাৰ দলিৰ পৰা উভতিবলগীয়া হ’ল ? এই প্ৰশ্ন নিশ্চিয় সকলোৰে মনলৈ আহিছে । শনিবাৰৰ হাই ভ’ল্টেজ মেচখনৰ পিছত কৰা কিছু পৰ্যালোচনাই এই কথা স্পষ্ট কৰে যে কেৱল অধিনায়কৰ ভুলৰ বাবেই শনিবাৰে দিল্লীয়ে অতি গুৰুত্বপূৰ্ণ মেচখনত পৰাজয় স্বীকাৰ কৰিলে ।

অধিনায়ক ঋষভ পণ্টৰ কেইবাটাও গুৰুত্বপূৰ্ণ ভুলে গোটেই মেচখনকে অন্য এক দিশলৈ লৈ গ’ল । পণ্টৰ সেই ভুল নোহোৱা হ’লে দিল্লী প্লে’ অফত প্ৰৱেশ কৰাৰ লগতে আৰ চি বিৰ সকলো অংকত আউল লাগিল হয় । কিন্তু যি হ’বলগীয়া আছিল সেয়া হৈ গ’ল । এতিয়া চাওঁ আহক পণ্টে কিদৰে নিজৰ দলটোক পৰাজয়ৰ মুখলৈ ঠেলি দিছিল —

শনিবাৰৰ মেচখনত পণ্টৰ বেটিং আশা ব্যঞ্জক নাছিল । উইকেটকীপাৰ আৰু অধিনায়ক হিচাপেও তেওঁৰ ভূমিকা আছিল অতি দুৰ্বল । পণ্টে লোৱা ভুল সিদ্ধান্তৰ বাবেও মেচখনৰ গতি সলনি হৈছিল ।

প্ৰথমে বেটিং কৰা দিল্লীয়ে এক বৃহৎ স্ক’ৰ কৰিব পাৰিব বুলি বহুতেই আশা কৰিছিল আৰু পণ্টৰ ওপৰত বিশ্বাস ৰাখিছিল । কিন্তু প্ৰথমৰে পৰা লেহেমীয়া বেটিং কৰা পণ্টে শেষলৈকে তেওঁৰ বেটিংশৈলী একেই ৰাখিলে । শেষলৈ তেওঁ দ্ৰুত বেটিং কৰিব বুলি আশা কৰা হৈছিল যদিও সকলো আশা ধূলিসাৎ কৰি তেওঁ পেভিলয়নমুখী হয় ।

ফিল্ডিঙৰ সময়তো অধিনায়ক পণ্টৰ প্ৰদৰ্শন আছিল অতি দুৰ্বল । পণ্টে দ্বাদশ অভাৰত ডেৱাল্ড ব্ৰাভিছৰ এটা সহজ কেচ ড্ৰপ কৰিছিল । ১৫ নং অভাৰত টিম ডেভিডৰ কেচ আয়ত্ব কৰিছিল যদিও ডি আৰ এছ নোলোৱাৰ বাবেই সেই উইকেট লাভৰ পৰা বঞ্চিত হ’ল । অধিনায়ক তথা উইকেটকীপাৰ হিচাপে ইয়াতো তেওঁৰ ব্যৰ্থতা ফুটি উঠে ।

ঋষভ পণ্টে দ্বিতীয় বাৰৰ বাবে জীৱন দিয়া এই দুই খেলুৱৈয়ে দিল্লীৰ দখলত থকা মেচখন মুম্বাইৰ দিশে লৈ গ’ল । পণ্টৰ ভুলৰ বাবেই দিল্লীয়ে মেচখন হেৰুৱালে ।

মুম্বাইৰ ইনিংছৰ দ্বাদশ অভাৰত পণ্টে ডেৱাল্ড ব্ৰেভিছৰ এটা সহজ কেচ ড্ৰপ কৰিছিল । কুলদীপ যাদৱৰ এটা সুন্দৰ গুগলী ডেলিভাৰীত ডেৱাল্ড পেভিলিয়ন মুখী হোৱাৰ বাট মুকলি হৈছিল । কুলদীপৰ গুগলীক ব্ৰেভিছে চুইপ কৰিব বিচাৰিছিল যদিও বলটো উইকেটৰ ওপৰলৈ উঠি গৈছিল । পণ্টে বতাহতে সেই বলটো ধৰিবলৈ আহিও আয়ত্ত কৰিব নোৱাৰিলে । সেই কেচ পণ্টে ড্ৰপ কৰে । কেচ ড্ৰপ হোৱাৰ সময়ত দেখা গৈছিল দিল্লীৰ খেলুৱৈ তথা ষ্টেডিয়ামৰ দৰ্শক হতাশাগ্ৰস্ত মুখবোৰ ।

খেল খনৰ ১৫ নং অভাৰত পণ্টে কৰিছিল আৰু এটা ডাঙৰ ভুল । তেতিয়াও পণ্টৰ হাতত ডি আৰ এছ জমা আছিল । সেই অভাৰটো কৰিছিল শাৰ্দুল ঠাকুৰে । মুম্বাইৰ টিম ডেভিড শাৰ্দুল ঠাকুৰৰ বলত শূন্য ৰাণত আউট হৈছিল । তেওঁৰ বেট স্পৰ্শ কৰি যোৱা বলটো পণ্টৰ দুহাতৰ মাজত ৰৈছিলগৈ । কিন্তু আম্পায়াৰে আউট দিয়া নাছিল । পণ্টে ডি আৰ এছ ল’ব পাৰিলেহেঁতেন যদিও ডি আৰ এছ নল’লে । উইকেট কীপাৰ হিচাপে পণ্ট এইখিনিতে বিফল হোৱাৰ লগতে দিল্লীৰ পৰাজয়ৰ আন এক মূল কাৰণ হিচাপে পৰিগণিত হৈছিল পণ্টৰ এই ভুল ।

খেলখনৰ অন্তত পণ্টে কৈছিল, বাকী খেলুৱৈসকলে বলটো বেটত লগা নাই বুলি কৈছিল । সেয়ে তেওঁ ডি আৰ এছ নল’লে । কিন্তু এজন উইকেট কীপাৰ হোৱাৰ বাবে পণ্টে বলটো বেটত লাগিছিল নে নাই সেয়া আন সকলতকৈ অতি ভালদৰে জানিব লাগিছিল । ডি আৰ এছ তেওঁ ল’বনে নাই সেয়া তেওঁৰ কৰ্তৃত্ব ।

টিম ডেভিডক এইদৰে জীৱন দান দিয়াৰ বাবেই ৩০৯ ষ্ট্ৰাইক ৰেটত খেলি ১১ বলত ৩৪ ৰাণ কৰি মুম্বাইক জয়ৰ সুৱাদ দিবলৈ সক্ষম হ’ল । টিম ডেভিডে দ্বিতীয় জীৱন লাভ কৰি ২ টা ৬ আৰু চাৰিটা ৪ কোবাই এই ৰাণ সংগ্ৰহ কৰিছিল । ইফালে পণ্টে কেচ ড্ৰপ কৰা ডেৱাল্ড ব্ৰেভিছেও ৩৭ ৰাণৰ ইনিংছ খেলে ।
মেচখনত প্ৰথমে বেটিং কৰি দিল্লীয়ে মুম্বাইক ১৬০ ৰাণৰ লক্ষ্য নিৰ্ধাৰণ কৰি দিছিল । মুম্বাইয়ে এই লক্ষ্য আগত লৈ ঈশান কিষাণৰ ৩৫ বলত ৪৮, টিম ডেভিডৰ ১১ বলত ৩৪, ডেৱাল্ড ব্ৰেভিছৰ ৩৭ ৰাণৰ সহায়ত অন্তিম অভাৰত বিজয় সাব্যস্ত কৰে । ইয়াৰ লগে লগে দিল্লী প্লে’ অফত প্ৰৱেশৰ পথ বন্ধ হয় আৰু আৰ চি বি প্লে’ অফত প্ৰৱেশ কৰে ।

পণ্টৰ ওপৰত দল, দলীয় মেনেজমেণ্ট তথা অনুৰাগীৰ বিশ্বাস আছে । সকলোৱে আশা কৰিছিল পণ্টে দিল্লীক দিব আই পি এলৰ ট্ৰফী । সকলো ঠিকেই আছিল । ভবা মতেই সকলো আগবাঢ়িছিল । কিন্তু অতি গুৰুত্বপূৰ্ণ মেচখনত কৰা এই কেইটা ভুলে মেচখনৰ পৰাজয়ৰ মূল কাৰণ পণ্ট বুলিয়েই প্ৰমাণ কৰিছে ।

কেৱল আই পি এলৰ দিল্লী কেপিটেলছ নহয়, ভৱিষ্যতে পণ্টে বহন কৰিব লাগিব ভাৰতীয় দলৰ নেতৃ্ত্বও । বহু ক্ৰিকেট বিশেষজ্ঞই এতিয়াই পণ্টৰ হাতত ভাৰতীয় দলৰ অধিনায়কৰ দায়িত্ব দিবলৈও কৈ আহিছে । এনে সময়ত পণ্টে এইদৰে কৰা নিজৰ সৰু সৰু ভুলৰ শুধৰণি নকৰিলে আৰু অধিক আত্মবিশ্বাসী হৈ নুঠিলে সেই দায়িত্বৰ বাবে তেওঁ যোগ্য হৈ নুঠিব । সেয়েহে এতিয়া সকলোৱে বিচাৰিছে পণ্টে নিজক কিছু সলনি কৰক ।

- Advertisment -
RELATED ARTICLES

LEAVE A REPLY

Please enter your comment!
Please enter your name here

2 + two =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments