Thursday, July 7, 2022
HomeNewsক্ৰীড়া মন্ত্ৰী বিমল বৰাক সম্বৰ্ধনা অসম অলিম্পিক সন্থাৰ

ক্ৰীড়া মন্ত্ৰী বিমল বৰাক সম্বৰ্ধনা অসম অলিম্পিক সন্থাৰ

ৰাষ্ট্ৰীয় পৰ্যায়ত ভাগ ল’বলগীয়া প্ৰতিগৰাকী খেলুৱৈক সাহায্য প্ৰদান কৰাৰ প্ৰস্তাৱ ক্ৰীড়ামন্ত্ৰীক

গুৱাহাটী ৭ জুনঃ অসম অলিম্পিক সন্থাৰ এটা প্ৰতিনিধি দলে সোমবাৰে অসমৰ ক্ৰীড়ামন্ত্ৰী বিমল বৰাক সাক্ষাৎ কৰাৰ লগতে সম্বৰ্ধনা জনায়। অসম অলিম্পিক সন্থাৰ সাধাৰণ সম্পাদক লক্ষ্য কোঁৱৰৰ নেতৃত্বত যোৱা প্ৰতিনিধি দলটোৱে অনাগত দিনত ৰাজ্যৰ ক্ৰীড়াক্ষেত্ৰখন কিদৰে আগবঢ়াই লৈ যাব তাৰ ওপৰত দীৰ্ঘ সময় ধৰি আলোচনা কৰে। প্ৰতিনিধি দলটোৱে কেইবাটাও গুৰুত্বপূৰ্ণ বিষয় ক্ৰীড়ামন্ত্ৰীৰ দৃষ্টিগোচৰ কৰে। ইয়াৰ ভিতৰত অন্যতম হল- ৰাষ্ট্ৰীয় পৰ্যায়ত ভাগ লবলগীয়া প্ৰতিগৰাকী খেলুৱৈক আৰ্থিক সাহায্য প্ৰদান কৰা, অসম ৰাজ্যিক পৰিবহণ নিগমে কম নিৰিখত খেলুৱৈক টিকত যোগান ধৰা আৰু অসম ৰাজ্যিক পৰিবহণ নিগমত চাকৰিৰ ক্ষেত্ৰত খেলুৱৈৰ বাবে কোটা সৃষ্টি কৰা, ৰাষ্ট্ৰীয় খেলুৱৈ আৰু অফিচিয়েলৰ বাবে ৰাজ্যৰ অতিথিশালাসমূহত থকাৰ বাবদ লোৱা মূল্য হ্ৰাস কৰা, হাৰিয়ানাত হবলগীয়া খেলো ইণ্ডিয়াৰ বাবে ৰাজ্যৰ ক্ৰীড়া বিভাগে অসম অলিম্পিক সন্থা আৰু ইয়াৰ অৰ্ন্তগত ক্ৰীড়া সন্থাসমূহক বিশ্বাসত লৈ কাম আগবঢ়ায় নিয়া, অসম অলিম্পিক ভৱন নিৰ্মাণৰ বাবে সহায়ৰ হাত আগৱঢ়োৱা আদি। এই বিষয়বোৰ ক্ৰীড়ামন্ত্ৰী বিমল বৰাই গুৰুত্ব সহকাৰে লয় আৰু অচিৰেই ইয়াৰ সমাধান সুত্ৰ উলিওৱাৰ আশ্বাস দিয়ে। আনহাতে, ক্ৰীড়ামন্ত্ৰীক সাক্ষাৎ কৰিবলৈ যোৱাৰ পূৰ্বে অসম অলিম্পিক সন্থাই আজি কেইবাটাও গুৰুত্বপূৰ্ণ সিদ্ধান্ত গ্ৰহণ কৰে। ইয়াৰ অন্যতম হল- ইণ্ডিয়ান অলিম্পিক সন্থাৰ অনুমোদন লৈ ৰাজ্যিক যুৱ ক্ৰীড়া অনুষ্ঠিত কৰা, ৰাজ্যিক আৰু জিলা ক্ৰীড়া সন্থাসমূহৰ জৰিয়তে লক ডাউনৰ সময়ত ক্ষতিগ্ৰস্ত হোৱা খেলুৱৈ আৰু অফিচিয়েল সকলৰ তালিকা প্ৰস্তুত কৰি তেওঁলোকক সহায়ৰ দিহা কৰা, মুখ্যমন্ত্ৰী সাহায্য পুঁজিলৈ ৰাজ্যিক আৰু জিলা ক্ৰীড়া সন্থাসমূহৰ ফালৰ পৰা আৰ্থিক অনুদান আগবঢ়োৱা, প্ৰয়োজনবোধ কৰা সকলৰ মাজত খাদ্য, মাস্ক, ছেনিটাইজাৰ আদি বিতৰণ কৰা।

- Advertisment -
RELATED ARTICLES

LEAVE A REPLY

Please enter your comment!
Please enter your name here

four × 4 =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments