Thursday, July 7, 2022
HomeNewsজামাইকাত উছেইন বল্টৰ ট্ৰেইনিং ক্লাবে সলনি কৰিলে আৰিয়ানৰ জীৱন

জামাইকাত উছেইন বল্টৰ ট্ৰেইনিং ক্লাবে সলনি কৰিলে আৰিয়ানৰ জীৱন

অলিম্পিয়া প্ৰতিবেদন

বিশ্ব প্ৰসিদ্ধ দৌৰবিদ উছেইন বল্টৰ ট্ৰেইনিং ক্লাবত প্ৰশিক্ষণ গ্ৰহণ কৰাৰ পাছত আৰিয়ান নামৰ এগৰাকী উদীয়মান দৌৰবিদৰ জীৱন ধাৰা সলনি হ’ল ৷ এই কথা নিজেই প্ৰকাশ কৰিলে খেলো ইণ্ডিয়া য়ুথ গেমছৰ সময়ত মহাৰাষ্ট্ৰৰ আৰিয়ান কদম নামৰ দৌৰবিদগৰাকীয়ে ৷ হাৰিয়ানাৰ পঞ্চকুলাত ২০০ মিটাৰ দৌৰত সোণৰ পদক অৰ্জন কৰা আৰিয়ান কদম কেনেকৈ এগৰাকী মধ্যমীয়া দৌৰবিদৰ পৰা ক্ৰমাগত ভাৱে উন্নতিৰ পথত আগবাঢ়িছে সেই কথা অত্যন্ত আকৰ্ষণীয় আৰু অনুকৰণযোগ্য ৷
চাৰি বছৰৰ আগৰ কথা ৷ মহাৰাষ্ট্ৰৰ আৰিয়ান কদম নামৰ কিশোৰ গৰাকীয়ে বিশ্বৰ ১০০ মিটাৰ দৌৰৰ শীৰ্ষস্থানীয় দৌৰবিদ উছেইন বল্টৰ দৰে বিশ্ব জয় কৰাৰ সপোন দেখি জামাইকালৈ এক দীঘলীয়া বিমান যাত্ৰা কৰিছিল ঞ৷ তেওঁৰ লগতে পুনেৰ দুগৰাকী বদ্ধুৰ সৈতে দলটোৱে কেৰিবিয়ান দ্বীপত এক বাৰ্ষিক গ্ৰীষ্মকালীন শিবিৰত যথেষ্ট পৰিমাণে শিক্ষা গ্ৰহণ কৰে৷ কেৰিবিয়ান দ্বীপটো দুৰ্ধৰ্ষ পেচ বলাৰ আৰু সংগীতজ্ঞ বব মাৰ্লেৰ বাবে বিখ্যাত ৷ মহাৰাষ্ট্ৰৰ এই কিশোৰ কেইগৰাকীয়ে জামাইকাৰ ৰেচাৰ ট্ৰেক ক্লাবত যোগদান কৰে ৷ এই ক্লাবৰ পৰাই কিংবদন্তী দৌৰবিদ উছেইন বল্ট আৰু য়হান ব্লাকেৰ দৰে দৌৰবিদৰ সৃষ্টি হৈছিল ৷ ৰেচাৰ ট্ৰেক ক্লাবত প্ৰশিক্ষণ গ্ৰহণৰ অন্তত আৰিয়ান কদম আৰু তেওঁৰ বন্ধু দুজনে মিলি জামাইকাৰ পৰা এজন প্ৰশিক্ষকক সৈমান কৰি পুনেলৈ লগত লৈ আহে ৷ জাৰ্মেইন শ্বাণ্ড নামৰ এই প্ৰশিক্ষক গৰাকীয়ে বৰ্তমান তেওঁলোকক পুনেত প্ৰশিক্ষণ প্ৰদান কৰি আছে ৷ ইয়াৰ পাছতেই সলনি হ’ল আৰিয়ানহঁতৰ গতিপথ ৷ বৃহস্পতিবাৰে পুৱা আৰিয়ানে খেলো ইণ্ডিয়া য়ুথ গেমছত ১০০ মিটাৰৰ লগতে ২০০ মিটাৰতো স্বৰ্ণ পদক অৰ্জন কৰে ৷ নিজৰ অভিজ্ঞতাৰ কথা আৰিয়ানে বাখ্যা কৰে এনেদৰে, ‘‘ ১০০ মিটাৰ দৌৰত মই বিশেষ পাৰদৰ্শী নাছিলো ৷ কিন্তু জাৰ্মেইনে লক্ষ্য কৰিলে যে ৰিলে দৌৰৰ সময়ত তৃতীয় লেগত মই কাৰ্ভত যথেষ্ট দ্ৰুত গতিত দৌৰিব পাৰো ৷ তেতিয়াই মোক তেওঁ ১০০ মিটাৰৰ সলনি ২০০ মিটাৰত গুৰুত্ব দিবলৈ কয় ৷ ইয়াৰ পাছতে মোৰ ভাগ্য চকৰি সলনি হয় ৷’’ ১৮ বছৰীয়া আৰিয়ানে ইতিমধ্যে মহাৰাষ্ট্ৰ দলৰ হৈ ৪ x ১০০ মিটাৰ ৰিলে দৌৰত স্বৰ্ণ পদক জয় কৰিছে ৷ ঘটনাক্ৰমে চলিত বছৰৰ আৰম্ভণিতে ফ্ৰান্সৰ নৰ্মাণ্ডিত অনুষ্ঠিত আই এছ এফ জিমনাছিয়াডত মহাৰাষ্ট্ৰৰ ৰিলে দলৰ হৈ তেওলোকে ব্ৰঞ্জৰ পদক লাভ কৰিছে ৷ বুধবাৰে আৰিয়ানে ২০০ মিটাৰ দৌৰৰ প্ৰথম ৪০ মিটাৰতে যথেষ্ট অগ্ৰগতি লাভ কৰে ৷ পৰৱৰ্তী মিটাৰত আধিপত্য বৰ্তাই ৰাখি তেওঁ সোণৰ পদক জয় কৰে ৷
বল্টৰ সৈতে তেওঁ ট্ৰেকত একেলগে দৌৰাৰ সুযোগ লাভ কৰিছিল নেকি বুলি সোধা প্ৰশ্নৰ উত্তৰত আৰিয়ানে কয়, ‘‘আমি জামাইকালৈ যোৱাৰ সময়ত তেওঁ ইতিমধ্যে সক্ৰিয় ক্ৰীড়াৰ পৰা অৱসৰ লৈছে ৷ কিন্তু তেওঁ কেতিয়াবা আহি ক্লাবত আমাক পাতলীয়া প্ৰশিক্ষণ দিয়ে ৷ তেওঁৰ সৈতে আমি কথা কোৱাৰ সুযোগ লাভ কৰিছিলো ৷” চলিত বছৰতে দ্বাদশ শ্ৰেণীৰ শেষান্ত পৰীক্ষা দিব লগা আৰিয়ানে শীৰ্ঘে ছিনিয়ৰ ভাৰতীয় দলত অন্তৰ্ভূক্ত হোৱাৰ লক্ষ্য স্থিৰ কৰি লৈছে ৷

- Advertisment -
RELATED ARTICLES

LEAVE A REPLY

Please enter your comment!
Please enter your name here

16 − 5 =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments