Wednesday, July 6, 2022
HomeNewsভাৰতত ফিফা ১৭ অনূৰ্দ্ধ মহিলা বিশ্বকাপৰ ১৩ টা দল নিশ্চিত

ভাৰতত ফিফা ১৭ অনূৰ্দ্ধ মহিলা বিশ্বকাপৰ ১৩ টা দল নিশ্চিত

অলিম্পিয়া প্রতিবেদন

 

অক্টোবৰত ভাৰতত অনুষ্ঠিত হ’ব ফিফা ১৭ বছৰ অনূৰ্দ্ধ মহিলাৰ বিশ্বকাপ ফুটবল টুৰ্ণামেণ্ট । মুঠ ১৬ টা দলৰ এই টুৰ্ণামেণ্টখন আয়োজনৰ বাবে ভাৰত ইতিমধ্যে সাজু হৈছে । এই পৰ্যন্ত ১৩ টা দলে বিশ্বকাপত অংশগ্ৰহণ কৰাৰ যোগ্যতা অর্জন কৰিছে । চলিত মাহৰ আগভাগতে উৱেফা মহিলাৰ ১৭ বছৰ অনূৰ্দ্ধ চেম্পিয়নশ্বিপ সম্পূৰ্ণ হোৱাৰ পাছত ইউৰোপৰ তিনিটা দল চূড়ান্ত হৈছে । ভাৰতত খেলিবলগা দলবোৰৰ ভিতৰত আছে আয়োজক ভাৰত, চীন , জাপান , নিউজিলেণ্ড , আমেৰিকা , কানাডা , মেক্সিকো , ব্ৰাজিল , চিলি আৰু কলম্বিয়া ।

ইফালে কেমেৰুণ , তাঞ্জিনীয়া , ইথিওপিয়া , নাইজেৰিয়া , ঘানা আৰু মৰক্কোৰ মাজৰ পৰা তিনিটা দল নিৰ্ণয় হ’বলৈ এতিয়াও বাকী আছে । ফিফাৰ কেন্দ্ৰীয় কাৰ্যালয় জুৰিখত অহা ২৪ জুনত অনুষ্ঠিত হ’ব আনুষ্ঠানিক ড্ৰ । ইয়াৰ পাছতেই প্ৰকাশ পাব দলবোৰৰ লীগ পৰ্যায়ৰ প্ৰতিপক্ষৰ নাম । উৱেফা মহিলাৰ ১৭ অনূৰ্দ্ধ চেম্পিয়নশ্বিপৰ বিজয়ী জাৰ্মানী আৰু ফাইনেলিষ্ট স্পেইনে যোগ্যতা অর্জন কৰিছে । একেদৰে তৃতীয় স্থান নিৰ্ণয়কাৰী প্লে অফ মেচত নেডাৰলেণ্ডক পৰাস্ত কৰি যোগ্যতা অর্জন কৰিছে ফ্ৰান্স দলে । ব্ৰাজিল আৰু কলম্বিয়া দলে ভাৰত ভ্ৰমণ কৰিবলৈ আগ্ৰহ প্ৰকাশ কৰাৰ কথা ছচিয়েল মিডিয়া যোগে সদৰী কৰিছে ।

ভাৰতত ফিফা ১৭ অনূৰ্দ্ধ মহিলা বিশ্বকাপৰ বাবে উৎকণ্ঠিত কানাডাৰ খেলুৱৈ ক্লেয়াৰ লগান । ছচিয়েল মিডিয়াত তেওঁ লিখিছে , “এই বিশ্বকাপৰ বাবে যোগ্যতা অর্জন কৰি আমি অতি আনন্দিত । এই অবিশ্বাস্য সুযোগৰ বাবে আমি কঠোৰ পৰিশ্ৰম অব্যাহত ৰাখিছো ।” এইবাৰৰ বিশ্বকাপ অনুষ্ঠিত হ’ব ১১ৰ পৰা ৩০ অক্টোবৰলৈ ভাৰতৰ ৩ খন চহৰত । সেয়া হ’ল ভুৱনেশ্বৰ , গোৱা আৰু নৱী মুম্বাই । বিশ্বকাপৰ এটা গ্রুপৰ মেচ প্ৰথমে গুৱাহাটীৰ সৰুসজাই ক্ৰীড়া প্ৰকল্পত অনুষ্ঠিত হোৱাৰ কথা আছিল যদিও পাছত এই সিদ্ধান্ত বাতিল কৰা হ’ল । ইয়াৰ লগে লগে অসমকে ধৰি পূৰ্বোত্তৰ ভাৰতৰ ক্ৰীড়াপ্ৰেমীয়ে গভীৰ উৎকণ্ঠা প্ৰকাশ কৰে ।

ইয়াৰ পূৰ্বে সৰুসজাই ক্ৰীড়া প্ৰকল্পত অনুষ্ঠিত হৈছিল ফিফা ১৭ অনূৰ্দ্ধ পুৰুষৰ বিশ্বকাপ ফুটবল টুৰ্ণামেণ্টৰ কেইবাখনো মেচ । তেতিয়া পূৰ্বোত্তৰ ভাৰতৰ ক্ৰীড়াপ্ৰেমীয়ে ফিফাৰ কোনো এক বৃহৎ টুৰ্ণামেণ্ট পোনপটীয়াকৈ প্ৰত্যক্ষ কৰাৰ সুযোগ লাভ কৰিছিল । এই অঞ্চলটোৰ মহিলাসকলেও ফিফা বিশ্বকাপত মহিলা খেলুৱৈসকলৰ খেল উপভোগৰ বাবে গভীৰ আগ্ৰহ প্ৰকাশ কৰিছিল । কিন্তু প্ৰতিযোগিতা অনুষ্ঠিত হ’বলগীয়া স্থানৰ পৰা সৰুসজাই ক্ৰীড়া প্ৰকল্পক বাদ দিয়াৰ কথাই তেওঁলোকক হতাশ কৰিছে । এনে অৱস্থাত এই বিশ্বকাপৰ মেচ স্বচক্ষে উপভোগ কৰাৰ পৰিৱৰ্তে সকলো ক্ৰীড়াপ্ৰেমীয়ে এতিয়া টিভিৰ পৰ্দাত প্ৰত্যক্ষ কৰাৰ বিকল্প নাথাকিব ।

- Advertisment -
RELATED ARTICLES

LEAVE A REPLY

Please enter your comment!
Please enter your name here

ten + nineteen =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments