Sunday, October 2, 2022
HomeNewsহাৰিয়ানাত চতুৰ্থ খেলো ইণ্ডিয়া য়ুথ গেমছ ৪-১৩ জুনত

হাৰিয়ানাত চতুৰ্থ খেলো ইণ্ডিয়া য়ুথ গেমছ ৪-১৩ জুনত

অলিম্পিয়া প্ৰতিবেদন

গুৱাহাটীৰ পাছত হাৰিয়ানাত অহা ৪-১৩ জুনত অনুষ্ঠিত হ’ব খেলো ইণ্ডিয়া য়ুথ গেমছ । ২০২০ চনৰ জানুৱাৰীত গুৱাহাটীত সফলতাৰে হৈছিল তৃতীয় খেলো ইণ্ডিয়া য়ুথ গেমছ । হাৰিয়ানাৰ এই চতুৰ্থ সংস্কৰণৰ বিভিন্ন ইভেণ্টৰ খেলসমূহ পঞ্চকুলাৰ লগতে সাহাবাদ , আম্বালা , চণ্ডীগড় আৰু দিল্লীত অনুষ্ঠিত হ’ব ।

১৮ বছৰ অনূৰ্দ্ধ বয়সৰ প্ৰায় ৮, ৫০০ খেলুৱৈয়ে এই দুসপ্তাহ জোৰা ক্ৰীড়া সমাৰোহত অংশগ্ৰহণ কৰিব । ২৫ টা ইভেণ্টৰ ভিতৰত ভাৰতত উদ্ভৱ হোৱা ৫ বিধ খেলো থাকিব । হাৰিয়ানাৰ মুখ্যমন্ত্ৰী মনোহৰলাল খাত্তাৰে জনোৱা মতে অহা ৮ মে’ ত পঞ্চকুলাৰ ইন্দ্ৰধনুষ প্ৰেক্ষাগৃহত খেলো ইণ্ডিয়া য়ুথ গেমছৰ শুভঙ্কৰ প্ৰতীক আৰু ল’গ’ উন্মোচন কৰা হ’ব । ইয়াৰ বাবে ব্যাপক প্ৰস্তুতি ইতিমধ্যে আৰম্ভ হৈছে । তেওঁৰ মতে এই ক্ৰীড়া সমাৰোহ সফলভাবে আয়োজন কৰিবলৈ বহুমুখী হল , ছিনথেটিক ট্রেক , এথলেটিক ট্রেক নিৰ্মাণ কৰা হৈছে । তদুপৰি পঞ্চকুলাৰ ছেক্টৰ ১৪ ৰ গৰ্ভমেণ্ট ৱ’মেনছ কলেজত বেডমিণ্টনৰ বাবে ইনড’ৰ ষ্টেডিয়াম নিৰ্মাণৰ কাম ইতিমধ্যে সমাপ্ত হৈছে ।

আম্বালাত সকলো বতৰতে খেলিবপৰা ছুইমিং পুলৰ নিৰ্মাণ সম্পূৰ্ণ হৈ উঠিছে । পঞ্চকুলা আৰু সাহাবাদত শীঘ্ৰে সম্পূৰ্ণ হৈ উঠিব হকী ষ্টেডিয়াম নিৰ্মাণৰ কাম । মুখ্যমন্ত্ৰী গৰাকীয়ে কেন্দ্ৰীয় ক্ৰীড়ামন্ত্ৰী অনুৰাগ ঠাকুৰৰ সৈতে ভিডিঅ’ কনফাৰেন্স যোগে আলোচনাত মিলিত হয় । এইবাৰৰ খেলো ইণ্ডিয়া য়ুথ গেমছৰ বিভিন্ন ইভেণ্টত আছে এথলেটিকছ , ফুটবল , বেডমিণ্টন , টেবুল টেনিছ , ভলীবল , হেণ্ডবল , মল্লযুঁজ , বাস্কেটবল , কাবাডী , বক্সিং ,খো-খো , গাটকা , থাংটা , কালাৰীপায়ুত্তু , যোগাসন , মালখম্ব , ভাৰোত্তোলন , টেনিছ , জুডো, আৰ্চাৰী , হকী , জিমনাষ্টিকছ , ছুইমিং , চাইক্লিং আৰু শ্বুটিং ।

- Advertisment -
RELATED ARTICLES

LEAVE A REPLY

Please enter your comment!
Please enter your name here

14 − eight =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Recent Comments