২২ জানুৱাৰীৰ পৰা টীয়কত ভেটাৰ্ন ফুটবল প্ৰতিযোগিতা

যোৰহাট জিলাৰ টীয়কত ভেটাৰ্ন ফুটবল ক্লাবে সদৌ অসম ভিত্তিত এখন ভেটাৰ্ন দিবা-নৈশ ফুটবল প্ৰতিযোগিতা অনুষ্ঠিত কৰাৰ প্ৰস্তুতি চলাইছে। অহা ২২ জানুৱাৰীৰ পৰা অনুষ্ঠিত হ’বলগীয়া প্ৰতিযোগিতাখনৰ প্ৰাইজমানী পঞ্চাশ হাজাৰ টকা বুলি জানিব পৰা গৈছে। টীয়ক হাইস্কুল খেল পথাৰত অনুষ্ঠিত হ’বলগীয়া প্ৰতিযোগিতাখনত অংশগ্ৰহণ কৰিবলৈ ইচ্ছুক দলসমূহে ৭০০২৮ ৯৩২৩২ মোবাইল নম্বৰত যোগাযোগ কৰি সবিশেষ জানিব পাৰিব।