Wednesday, July 6, 2022
HomeNewsবঙাইগাঁৱত বডৌচা কাপ ফুটবল ,থমকি ৰ'ল গুৱাহাটী চিটি এফ

বঙাইগাঁৱত বডৌচা কাপ ফুটবল ,থমকি ৰ’ল গুৱাহাটী চিটি এফ

অলিম্পিয়া প্ৰতিবেদন

বডোচা স্প’ৰ্টছ ক্লাবৰ উদ্যোগত আৰু বঙাইগাঁৱৰ বৰ্ষণগাঁও ক্ৰীড়া সন্থাৰ সহযোগত চলা ১৩ সংখ্যক বডৌচা কাপ ফুটবল প্ৰতিযোগিতাৰ ‘বি’ গ্ৰুুপৰ খেলত স্থানীয় ইলেভেন ষ্টাৰ ক্লাব প্ৰি-কোৱাৰ্টাৰ ফাইনেলত প্ৰৱেশ কৰিছে । বৰ্ষণগাঁও চিলাৰায় ষ্টেডিয়ামত বৃহস্পতিবাৰে অনুষ্ঠিত প্ৰতিযোগিতাৰ নক আউট পৰ্যায়ৰ খেলত ইলেভেন ষ্টাৰ ক্লাবে শক্তিশালী গুৱাহাটী চিটি এফ চিক ২-০ গ’লৰ ব্যৱধানত পৰাজিত কৰে।
খেলৰ ২৮ মিনিটতে গোলাপ বৰ্মনে দিয়া গ’লৰ সহায়ত ইলেভেন ষ্টাৰ ক্লাবে জয়ৰ পাতনি মেলে । আনহাতে আনাওই ৩৮ মিনিটত গ’ল এটা প্ৰদান কৰি জয়ৰ ব্যবধান ২-০ লৈ বৃদ্ধি কৰে । বিৰতিৰ পিছত আপ্ৰাণ চেষ্টা কৰিও কোনো এটা দলেই গ’ল কৰিবলৈ সক্ষম নহ’ল । অৱশ্যে ইলেভেন ষ্টাৰে বিৰতিৰ পিছত এটা পেনাল্টিৰ সুযোগ লাভ কৰিছিল যদিও সফল হ’ব নোৱাৰিলে । ইপিনে গুৱাহাটী চিটি এফ চিয়ে নিজৰ লীগ পৰ্যায়ৰ দুয়োখন খেলতে অদমনীয় প্ৰদৰ্শনেৰে ইউনাইটেড চিৰাং দুৱাৰ এফ চিক ২-০ আৰু মণিপুৰৰ পি এছ এক ৩-০ গ’লত পৰাজিত কৰি মূল যুঁজলৈ আশা সজীৱ কৰি ৰাখিছিল যদিও বৃহস্পতিবাৰৰ খেলত পৰাজিত হৈ প্ৰতিযোগিতাৰ পৰা বাহিৰ হ’বলগীয়া হয় । খেলৰ বিজয়ত বিশেষ ভূমিকা গ্ৰহণ কৰা ইলেভেন ষ্টাৰ ক্লাবৰ দিলছন দৈমাৰীয়ে শ্ৰেষ্ঠ খেলুৱৈৰ সন্মান অৰ্জন কৰে । নিজামুদ্দিন খান আৰু পিংকু বড়োৰ সহযোগত খেলখন পৰিচালনা কৰে নৃপেন তালুকদাৰে । হিতেশ কলিতা চতুৰ্থ ৰেফাৰী আছিল । অহা ১১ ডিচেম্বৰত অনুষ্ঠিত হ’বলগীয়া প্ৰি-কোৱাৰ্টাৰত ইলেভেন ষ্টাৰ ক্লাবে ৰাজস্থানৰ ইউনাইটেড এফ চিৰ বিপৰীতে অৱতীৰ্ণ হ’ব।

- Advertisment -
RELATED ARTICLES

LEAVE A REPLY

Please enter your comment!
Please enter your name here

2 × one =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments