ভাৰতীয় ক্ৰিকেট দলত কৰণাৰ আঘাত

উইকেট কিপাৰ বেটছমেন ঋষভ পণ্টৰ পাছত এইবাৰ ইংলেণ্ড ভ্ৰমণৰত ভাৰতীয় ক্ৰিকেট দলৰ আন এগৰাকী সদস্য কৰণাত আক্ৰান্ত হৈছে৷ তদুপৰি তিনিজন সদস্যক ৰখা হৈছে আইশ্ব’লেছনত৷ সংবাদ মাধ্যমত প্ৰকাশিত তথ্য অনুসৰি ভাৰতীয় ক্ৰিকেট দলৰ নেট ষ্টাফ দয়ানন্দ গাৰানিৰ কৰণা পজিটিভ পোৱা গৈছে৷ তেওঁক আইশ্ব’লেছনত ৰখা হৈছে৷ তদুপৰি প্ৰাথমিক সতৰ্কতা হিচাপে আহশ্ব’লেছনত ৰখা হৈছে বলিং প্ৰশিক্ষক ভৰত অৰুণ উইকেট কিপাৰ বেটছমেন ঋদ্ধিমান শ্বাহা আৰু ষ্টেণ্ড বাই অ’পেনাৰ অভিমান্যু ঈ×শ্বৰন৷ দয়ানন্দ গাৰানিৰ সংস্পৰ্শলৈ অহাটো নিশ্চিত হোৱাৰ পাছত এওঁলোক তিনিগৰাকীকে আইশ্ব’লেছনত ৰখাৰ সিদ্ধান্ত গ্ৰহণ কৰে দলীয় মেনেজমেণ্টে৷ সন্মুখত ঘৰুৱা দল ইংলেণ্ডৰ বিৰুদ্ধে পাঁচখন মেচৰ টেষ্ট ছিৰিজ৷ দীঘলীয়া এই ইংলেণ্ড ভ্ৰমণত ভাৰতীয় ক্ৰিকেট দলে বৰ্তমান অনুশীলনৰ লগতে কিছু অৱসৰ মূহুৰ্ত কটোৱা দেখা গৈছে৷ উইম্বলডনৰ লগতে ইউৰো কাপৰ খেল উপভোগ কৰা দেখা গৈছে ভাৰতীয় দলৰ কেইবাগৰাকী সদস্যক৷ কৰ’ণাত আক্ৰান্ত ঋষভ পণ্টক দেখা গৈছিল উইৰো কাপৰ মেচ উপভোগ কৰি থকাৰ মূহুৰ্তত৷ সামাজিক মাধ্যমত ইউৰো কাপত মেচ উপভোগ কৰি থকা ফটো শ্বেয়াৰ কৰিছিল পণ্টে নিজেই৷ অহা 4 আগষ্টৰ পৰা ইংলেণ্ডৰ বিৰুদ্ধে পাঁচখন টেষ্টৰ শৃখলাত অংশ গ্ৰহণ কৰিব ভাৰতীয় দলে৷ সেয়ে জৈৱিক সুৰক্ষাৰ বেস্তনিত এতিয়াও সোমাই পৰা নাই ভাৰতীয় দল৷ অৱশ্যে স্বস্তিৰ খবৰ এইয়ে যে ভৰত অৰুণ, ৰিদ্ধিমান শ্বাহা আৰু অভিমান্যুৰ শেহতীয়া কৰণা টেষ্ট নিগেটিভ হৈছে৷ সচিব জয় শ্বাহৰ উদ্ধিতৃ বিচিচি আইয়ে সংবাদ মাধ্যমলৈ প্ৰেৰণ কৰা এক বিবৃতিত কোৱা হৈছে য়ে লণ্ডনৰ হোটেলৰ পৃথক পৃথক কোঠালিত ৰখা হৈছে তেওঁলোকক৷ ডাৰহামৰ পৰাই জৈৱিক সুৰক্ষাৰ আবেষ্টনিত সোমাই পৰিব বিৰাট কোহলিৰ নেতৃত্বাধীন ভাৰতীয় দল৷ ইতিমধ্যে ঋষভ পণ্টকে ধৰি পাঁচজন ক্ৰিকেটাৰক লণ্ডনত এৰি থৈ ডাৰহামত উপস্থিত হৈছে কোহলি বাহিনী৷ ঋষভ পণ্ট অৱশ্যে ইউৰো কাপতে কৰণাত আক্ৰান্ত হোৱা বুলি ক’ব নোৱাৰি কাৰণ 4 আৰু 6 জুলাইত দাতৰ চিকিৎসকৰ ওচৰলৈ গৈছিল ঋষভ৷ দাতৰ ক্লিনিকতো তেওঁ কৰণাত আক্ৰান্ত হোৱাৰ সম্ভাৱনা ব্যক্ত কৰিছে বিচিচি আয়ে৷ জ্জ জুলাইত পণ্টক ভেকচিন দিয়া হৈছিল আৰু 8 জুলাইত তেওঁ কৰণা পজিটিভ হয়৷ বৰ্তমান বিচিচি আই পৰ্যবেক্ষনত তেওঁক আইশ্ব’লেছনত ৰখা হৈছে৷

Leave a Reply

Your email address will not be published. Required fields are marked *