Monday, July 4, 2022
HomeNewsবুকুত পেচমেকাৰ বহুৱাই ইউৰো কাপ খেলিছে ডেলেই

বুকুত পেচমেকাৰ বহুৱাই ইউৰো কাপ খেলিছে ডেলেই

footballer euro
ডেলেই ব্লিন্ড

হৃদৰোগত আক্ৰান্ত হোৱাতকৈ বেচি দুঃসংবাদ এজন ফুটবলাৰ বাবে আৰু কি হ’ব পাৰে৷ কিন্তু অত্যন্ত মানসিক দৃঢ়তাৰ পৰিচয় দি তেওঁ সেইদৰেই খেলি গৈছে৷ বুকুত তেওঁৰ পেচমেকাৰ৷ যি অস্বাভাৱিক হৃদস্পন্দন নিয়ন্ত্ৰণ কৰে৷ ইউৰো কাপত সেইদিনা ফিনলেণ্ডৰ বিৰুদ্ধে অনুষ্ঠিত খেলখনত ডেনমাৰ্কৰ ক্ৰিষ্টিয়ানো এৰিকছন খেলি থকা অৱস্থাতে সংজ্ঞাহীন হৈ বাগৰি পৰা দৃশ্যটোৱে শংকিত কৰি তোলে তেওঁক৷ কাৰণ প্ৰায় একে অৱস্থা তেওঁৰো হৈছিল৷ নেদাৰলেণ্ডৰ ডেলেই ব্লিন্ডৰ কথা ক’বলৈ লৈছো ইয়াত৷ বহু ফুটবল প্ৰেমীয়ে হয়তো নেজানে৷ বিন্ডৰ এই হৃদৰোগৰ কথা পোহৰলৈ আহে ২০১৯ বৰ্ষত৷ সেইবাৰ চেম্পিয়মছ লীগত তেওঁ আয়াক্সৰ হৈ ভেলেন্সিয়াৰ বিৰুদ্ধে খেলি থকা অৱস্থাত কেইবাবাৰো মূৰ ঘুৰাই পৰি যোৱাৰ উপক্ৰম হৈছিল৷ খেলপথাৰৰ মাজত আন বিশেষ একো অসুবিধা ন’হলেও পৰবতীৰ্ সময়ত তেওঁ চিকিৎসকৰ পৰামৰ্শ গ্ৰহণ কৰে৷ চিকিৎসকে বহু পৰীক্ষা-নীৰিক্ষাৰ অন্তত তেওঁ হৃদযন্ত্ৰৰ পেশীত ফুটা থকাতো নিশ্চিত কৰে৷ যোৱা আগষ্ঠত এখন প্ৰীতি খেলত খেলপথাৰতে পৰি গৈছিল তেওঁ৷ অৱশ্যে বিশেষ একো অসুবিধা নহল৷ কিন্তু সেইদিনা এৰিকছন খেলপথাৰতে পৰি য়োৱা দেখা পাই শংকিত হৈ পৰে ডেলেই৷ জীৱন আৰু মৃত্যুৰ মাজত কেইটামান ছেকেণ্ডৰ ব্যৱধান৷ টেলিভিছনৰ পৰ্দাত ভাহি উঠিছিল এৰিকছনৰ ঘটনা৷ এৰিকছন খুৱেই ভাল বন্ধু ডেলেইৰ৷ এই ঘটনাটি টেলিভিছনৰ পৰ্দাত প্ৰত্যক্ষ কৰি নিজকে এৰিকছনৰ স্থানত কল্পনা কৰিছিল তেওঁ৷ ডেলেই ইমানেই আতংকিত হৈ পৰিছিল যে ইউক্ৰেইনৰ বিৰুদ্ধে খেলপথাৰত নামাৰ পূৰ্বে বহুবাৰ চিন্তা কৰিব লগা হৈছিল৷ খেলৰ আগদিনা ৰাতি শুৱ পৰা নাছিল ডেলেই৷ ‘‘এৰিকছনৰ ঘটনাই মোক তীব্ৰ মানসিক চাপৰ মাজলৈ ঠেলি দিছিল৷ খেলৰ আগদিনা ৰাতি শুৱ পৰা নাছিলো৷ বাবে বাৰে এৰিকছনৰ ছবিখন মনত ভাহি আহিছিল৷ খেলপথাৰ নানামিলেও সেয়া এক বেলেগ চাপৰ সৃষ্টি হ’ব মনৰ মাজত৷ সেয়ে খেলাৰ কথাই চিন্তা কৰিছিলো৷’’ এৰিকছনৰ ঘটনাই তেওঁৰ মনত সৃষ্টি কৰা চাপৰ কথা এইদৰে সংবাদ মাধ্যমত ব্যক্ত কৰিছিল ডেলেই৷ হাস্পতালৰ বিচনাৰ পৰাই এৰিকছনে সতীৰ্থ খেলুৱৈক খেলপথাৰত নমাৰ বাবে জনোৱা আবেদেন উৎসাহিত কৰিছিল ডেলেইক৷

- Advertisment -
RELATED ARTICLES

LEAVE A REPLY

Please enter your comment!
Please enter your name here

4 × 3 =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Archives list

Recent Comments