Thursday, May 19, 2022
HomeNewsভাৰতীয় শিবিৰলৈ আমন্ত্ৰিত জিএছএৰ ৰয় ৰাজকুমাৰ

ভাৰতীয় শিবিৰলৈ আমন্ত্ৰিত জিএছএৰ ৰয় ৰাজকুমাৰ

অলিম্পিয়া প্ৰতিবেদন

ভাৰতীয় ৰাষ্ট্ৰীয় ফুটবল দলৰ বাছনি শিবিৰলৈ আমন্ত্ৰণ লাভ কৰিছে গুৱাহাটী ক্ৰীড়া সন্থাৰ খেলুৱৈ ৰয় ৰাজকুমাৰে ৷ গুৱাহাটীৰ প্ৰতিভাবান খেলুৱৈক ৰাজ্যিক তথা ৰাষ্ট্ৰীয় স্তৰত প্ৰদৰ্শনৰ মঞ্চ দিবলৈ গুৱাহাটী ক্ৰীড়া সন্থাই বিশেষ তৎপৰতা গ্ৰহণ কৰিছে ৷ তাৰেই অংশ হিচাপে কোকৰাঝাৰত অসম ফুটবল সন্থাৰ উদ্যোগত ৰাজ্যিক ভিত্তিত অনুষ্ঠিত সৰ্বভাৰতীয় ফুটবল ফেডাৰেচনৰ বাছনি শিবিৰৰলৈ গুৱাহাটী ক্ৰীড়া সন্থাই প্ৰেৰণ কৰিছিল কেইবাগৰাকীও স্থানীয় প্ৰতিভাবান ফুটবলাৰ ৷ তাৰ মাজৰপৰাই ৰাজকুমাৰক নিৰ্বাচন কৰি ফেডাৰেচনে ৰাষ্ট্ৰীয় ফুটবল দলৰ শিবিৰ (২০০৬ত জন্ম লভা ল’ৰা)ৰ বাবে আমন্ত্ৰণ জনাইছে ৷ গুৱাহাটী চিটি এফ চিৰ অনুৰ্ধ ১৭ খেলুৱৈ লেফ্‌ট বেক ৰাজকুমাৰে ইতিমধ্যে গুৱাহাটী ক্ৰীড়া সন্থাৰ হৈ জুনিয়ৰ আন্তঃজিলা ফুটবল চেম্পিয়নশ্বিপত অংশগ্ৰহণ কৰিছে ৷ ৰাজকুমাৰক শুভেচ্ছা জ্ঞাপন কৰাৰ লগতে তেওঁ ভাৰতীয় দলক প্ৰতিনিধিত্ব কৰিব বুলি আশা প্ৰকাশ কৰিছে গুৱাহাটী ক্ৰীড়া সন্থাৰ সভাপতি পুলক গোস্বামী আৰু সাধাৰণ সম্পাদক ধ্ৰুৱজ্যোতি কলিতাই ৷ তেওঁলোকে কয় যে কেৱল ফুটবলেই নহয়, সন্থাৰ অন্তৰ্গত আটাইকেইবিধ খেলৰ প্ৰতিভাবান স্থানীয় খেলুৱৈসকলক প্ৰদৰ্শনৰ শ্ৰেষ্ঠ মঞ্চ দিয়া আৰু তেওঁলোকৰ প্ৰতিভা বিকাশৰ বাবে সন্থা দায়বদ্ধ ৷

- Advertisment -
RELATED ARTICLES

LEAVE A REPLY

Please enter your comment!
Please enter your name here

3 × five =

- Advertisment -

Magazine

তেজপুৰ ক্লাব বেডমিণ্টনত ঢলা শদিয়া ক্লাব চেম্পিয়ন; ত্ৰিভায়ান ৰাজ...

0
অলিম্পিয়া প্ৰতিবেদন সোমবাৰে বিজিত শইকীয়া সোঁৱৰণী ইনড'ৰ ষ্টেডিয়ামত সোমবাৰে তেজপুৰ জিলা ক্ৰীড়া সন্থাৰ উদ্যোগত অনুষ্ঠিত হৈ যায় তাৰিণী ভূঞা সোঁৱৰণী...

Olympia March 2020

0

Olympia January 2020

0

Most Popular

Recent Comments